மணப்பாறை : மணப்பாறையை அடுத்த துவரங்குறிச்சி அருகேயுள்ள உசிலம்பட்டியை சேர்ந்தவர் பாண்டியராஜன்(57), விவசாயி. நேற்று இவரது தோட்டத்தில் உள்ள நெல் வயலில் அறுவடை பணிகள் நடந்து கொண்டிருந்தது. அப்போது வயலின் நடுவே மலைப்பாம்பு ஒன்று கிடந்ததை கண்டு அதிர்ந்த பெண்கள் அறுவடை பணியை நிறுத்திவிட்டு உடனடியாக வயலிலிருந்து ஓடினர். பின்னர், இது குறித்த தகவல் துவரங்குறிச்சி தீயணைப்பு நிலையத்திற்கு தெரிவிக்கப்பட்டது. இதனையடுத்து தீயணைப்பு நிலைய சிறப்பு அலுவலர் நாகேந்திரன் மற்றும் தீயணைப்பு வீரர்கள் சம்பவ இடத்திற்கு சென்று துறை கருவிகள் உதவியுடன் 10 அடி நீள மலைப்பாம்பை பிடித்து துவரங்குறிச்சி வனத்துறையினரிடம் ஒப்படைத்தனர். பின்னர், மலைப்பாம்பை வனப்பகுதிக்கு கொண்டு சென்று வனத்துறையினர் விட்டனர். வயலில் மலைப்பாம்பு கிடப்பதாக தகவல் பரவியதையடுத்து ஏராளமான மக்கள் மற்றும் இளைஞர்கள் திரண்டு வந்து தங்களது செல்போனில் பாம்பை வீடியோ எடுத்தனர்….