திருவனந்தபுரம், நவ. 7: திருவனந்தபுரத்தில் 5வது சர்வதேச ஆயுர்வேத திருவிழா டிசம்பர் 1ம் தேதி தொடங்குகிறது. இதில் 75 நாடுகள் மற்றும் இந்தியாவின் பல்வேறு பகுதிகளில் இருந்தும் 7 ஆயிரத்திற்கும் மேற்பட்டோர் கலந்து கொள்கின்றனர். டிசம்பர் 1ம் தேதி திருவனந்தபுரத்திலுள்ள கிரீன் பீல்ட் ஸ்டேடியத்தில் ஆயுர்வேத திருவிழா தொடங்குகிறது. 5 நாட்கள் நடைபெற உள்ள இந்த விழாவில் ஆயுர்வேத டாக்டர்கள் மற்றும் மருத்துவ நிபுணர்கள் பங்கேற்கின்றனர்.2500 ஆய்வு அறிக்கைகள் இந்த விழாவில் சமர்ப்பிக்கப் படுகின்றன. பல்வேறு நாடுகளில் இருந்தும் வரும் 200 சிறப்பு அழைப்பாளர்கள் இதில் உரையாற்றுகின்றனர்.