திருமங்கலம், ஆக. 2: திருமங்கலம் அருகே நூற்பாலையில் ஏற்பட்ட தீ விபத்தில் ரூ.15 லட்சம் மதிப்புள்ள பொருட்கள் எரிந்து நாசமாகின.திருமங்கலம் அருகேயுள்ள மேலக்கோட்டை விலக்கு பகுதியில் ஜின்னிங் பேக்டரி அமைந்துள்ளது. இந்த நிறுவனத்தில் நேற்று முன்தினம் இரவு ஏற்பட்ட தீ விபத்தில் 30 ஆயிரம் குவிண்டால் மிக்சிங் பஞ்சுகள் எரிந்து சேதமடைந்தன. மேலும் மிக்சிங் பஞ்சு செலுத்தும் இயந்திரங்கள், 60 டியூப் லைட்டுகள் எரிந்து நாசமாகி விட்டன. இவற்றின் மதிப்பு ரூ.15 லட்சமாகும். ஆனால் பணியாளர்கள் யாருக்கும் காயங்கள் ஏற்படவில்லை. இதுகுறித்து நிறுவன உரிமையாளர் நாராயணசாமி அளித்த புகாரில் திருமங்கலம் தாலுகா போலீசார் வழக்குபதிவு செய்து தீ விபத்து எப்படி ஏற்பட்டது என விசாரணை நடத்தி வருகின்றனர்.