திருச்சி மாவட்டத்தில் மின் நுகர்வோர் குறைதீர் கூட்டம்

திருச்சி, செப்.2: திருச்சி மாவட்டத்தில் இம்மாதத்திற்கான மின் நுகர்வோர் குறைத்தீர்க்கும் கூட்டம் வரும் 5ம் தேதி முதல் நடைபெற உள்ளது. இதுகுறித்து தமிழ்நாடு மின்வாரிய செயற்பொறியாளர் பிரகாசம் தெரிவித்துள்ளதாவது: திருச்சி மின் பகிா்மான வட்டத்தை சார்ந்த கோட்ட அலுவலகங்களில் செப்டம்பா் மாதம் பொதுமக்கள் குறைத் தீர்க்கும் கூட்டம் நடைபெற உள்ளது. அதன்படி துறையூர் கோட்டம்: செப்.5ம்தேதியும், ஸ்ரீரங்கம் கோட்டம் செப்.8, லால்குடி கோட்டம், செப்.12, திருச்சி கிழக்கு கோட்டம்: செப்.15, திருச்சி நகரிய கோட்டம்: செப்.19. மணப்பாறை கோட்டம் செப்.26 ஆகிய தேதிகளில் நடைபெற உள்ளது. எனவே குறை தீர்க்கும் கூட்டம் நடைபெறும் நாட்களில் அந்தந்த பகுதிகளைச் சார்ந்த மின்நுகர்வோர்கள் கலந்து கொண்டு தங்கள் குறைகளை நேரில் தெரிவித்து நிவர்த்தி செய்து கொள்ளுமாறு செயற்பொறியாளர் பிரகாசம் தெரிவித்துள்ளார்.