திண்டுக்கல், ஜூலை 26: திண்டுக்கல் மேற்கு மாவட்ட செயலாளர், உணவு- உணவுப்பொருள் வழங்கல் துறை அமைச்சர் அர.சக்கரபாணி, கிழக்கு மாவட்ட செயலாளர், பழநி எம்எல்ஏ ஐ.பி.செந்தில்குமார் விடுத்துள்ள செய்திகுறிப்பு: ஒன்றிய பட்ெஜட்டில் தமிழ்நாட்டை வஞ்சித்த பாஜ அரசை கண்டித்து அனைத்து மாவட்டங்களிலும் ஜூலை 27ல் மாபெரும் கண்டன ஆர்ப்பாட்டம் நடத்த வேண்டும் என திமுக தலைமை கழகம் அறிவித்துள்ளது. அதன்படி திண்டுக்கல் கிழக்கு- மேற்கு மாவட்ட திமுக சார்பில் நாளை சனிக்கிழமை திண்டுக்கல் மணிக்கூண்டு அருகில் ஆர்ப்பாட்டம் நடைபெறவுள்ளது. இதில் மாநில, மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், மாநகர, ஒன்றிய, நகர, பகுதி, பேரூர், வார்டு, கிளை செயலாளர்கள்- நிர்வாகிகள், அனைத்து ஊரக- நகர்புற உள்ளாட்சி அமைப்பு பிரதிநிதிகள், அனைத்து அணிகளின் நிர்வாகிகள் கலந்து கொண்டு பாஜக அரசுக்கு எதிரான கண்டனத்தை பதிவு செய்திட வேண்டுமென கேட்டு கொள்கிறோம். இவ்வாறு தெரிவிக்கப்பட்டுள்ளது.