மண்டபம், ஜூன் 20: முதலமைச்சர் மு.க.ஸ்டாலின் தலைமையிலான தமிழக அரசின் 2 ஆண்டு சாதனை விளக்க தெரு முனை பிரசார கூட்டம் மண்டபம் பேரூர் திமுக இளைஞரணி சார்பில் நடந்தது. பேரூராட்சி சேர்மன் ராஜா தலைமை வகித்தார். மண்டபம் கிழக்கு ஒன்றிய செயலாளர் நிலோபர் கான், பேரூர் செயலாளர் அப்துல் ரஹ்மான் மரைக்காயர், துணை சேர்மன் நம்புராஜன், அவைத்தலைவர் வேலு.முருகானந்தம் முன்னிலை வகித்தனர்.
மாவட்ட இளைஞரணி துணை அமைப்பாளர் சம்பத் ராஜா வரவேற்றார். 2 ஆண்டு சாதனை குறித்து திமுக இலக்கிய அணி துணை செயலாளர் ஆடுதுறை உத்திராபதி பேசினார். நகர் துணை செயலாளர் களஞ்சியம், கவுன்சிலர்கள் பூவேந்திரன், சாதிக்பாட்ஷா, உமா மகேஸ்வரி சரவணன், சீதா லட்சுமி காளிமுத்து, புரவலர் சைவ.சரவணன் உள்பட பலர் பங்கேற்றனர். மாணவரணி நகர் துணை அமைப்பாளர் அரவிந்த் நன்றி கூறினார். மாவட்ட திமுக செயலாளர் காதர்பாட்ஷா முத்துராமலிங்கம் எம்எல்ஏ ஆலோசனைபடி, ஒருங்கிணைப்பாளர் சம்பத் ராஜா ஏற்பாடு செய்தார்.