தமிழகத்தில் 336 நடமாடும் மருத்துவமனை முதல்வர் விரைவில் துவக்கி வைக்கிறார்: மக்கள் நல்வாழ்வு துறை செயலாளர் ராதாகிருஷ்ணன் பேட்டி

சென்னை: தமிழகத்தில் 336 நடமாடும் மருத்துவமனைகளை முதல்வர் மு.க.ஸ்டாலின் விரைவில் துவக்கி வைக்க இருக்கிறார் என மருத்துவம் மற்றும் மக்கள் நல்வாழ்வுத்துறை செயலாளர் ராதாகிருஷ்ணன் தெரிவித்துள்ளார். தமிழகத்தில் இதுவரை 97 சதவீதம் பேர் முதல் தவணை தடுப்பூசியும், 73 சதவீதம் பேர் 2வது தவணை தடுப்பூசியும் செலுத்தியுள்ளனர். இந்நிலையில் நகர்ப்புற உள்ளாட்சி தேர்தல் காரணமாக நடைபெறாமல் இருந்த மெகா தடுப்பூசி முகாம் மீண்டும் தொடங்கியுள்ளது. இன்று தமிழகம் முழுவதும் 50 ஆயிரம் இடங்களில் 24வது மெகா தடுப்பூசி முகாம் தொடங்கி நடந்து வருகிறது. சென்னையில் உள்ள 200 வார்டுகளில் 1600 தடுப்பூசி முகாம்கள் செயல்பட்டு வருகிறது. ஆரம்ப சுகாதார நிலையங்கள், அரசு மருத்துவமனைகள், அங்கன்வாடி மையங்கள், சத்துணவு மையங்கள், பள்ளிகள் ஆகிய இடங்களில் காலை 7 மணிக்கு துவங்கிய தடுப்பூசி முகாம்கள் இரவு 7 மணி வரை நடைபெறுகிறது. சென்னை ஓமந்தூரார் அரசு மருத்துவ கல்லூரி மருத்துவமனையில் தடுப்பூசி முகாமை ஆய்வு செய்தபின்,  மருத்துவம் மற்றும் மக்கள் நல்வாழ்வு துறை செயலாளர் ராதாகிருஷ்ணன் நிருபர்களிடம் கூறியதாவது: 2 ஆண்டுகளுக்கு பிறகு நேற்று, கொரோனா பூஜ்ஜிய மரணம் பதிவாகியுள்ள நிலையில் தமிழகத்தில் தொற்று பாதிப்பு வெகுவாக குறைந்து வருகிறது. தற்போதைய நிலையில் 1,461 பேர் மருத்துவ சிகிச்சையில் உள்ளனர். நோய் பாதிப்பை கட்டுப்படுத்த தடுப்பூசிகளின் பங்களிப்பு முக்கியத்துவம் பெறுகிறது.சீனாவின் ஒரு நகரில் மீண்டும் ஊரடங்கு போடப்பட்டிருப்பதை மனதில் முன்னிறுத்தி பொதுமக்கள் கட்டாயம் தடுப்பூசி செலுத்தி கொள்ள முன்வர வேண்டும். கஜினி முகமது போல் கொரோனா எத்தனை தடவை படை எடுத்தாலும் அதனை முறியடிக்கும் வகையில் நாம் தடுப்பூசி செலுத்துதல் அவசியம். வருங்காலங்களில் நோய் எதிர்ப்பு சக்தி குறைந்தாலும் கூட பூஸ்டர் டோஸ் தடுப்பூசிகளை செலுத்துவதன் வாயிலாக நிலையான எதிர்ப்பாற்றலை பெற முடியும்.தமிழகத்தில் 336 நடமாடும் மருத்துவமனைகளை முதல்வர் மு.க.ஸ்டாலின் விரைவில் துவக்கி வைக்க இருக்கிறார். மக்கள்தொகை அதிகரிப்பதற்கு ஏற்றவாறு நகர்ப்புற மற்றும் கிராமப்புற சுகாதார மையங்கள் அதிகரிக்க நடவடிக்கை எடுக்கப்படும்….