புழல்: செங்குன்றம் அடுத்த அலமாதி எடப்பாளையம் பகுதியை சேர்ந்தவர்கள் புவனேஷ்(24), விஜயன்(25). இருவரும் நண்பர்கள். இவர்கள் நேற்று மதியம் செங்குன்றம் செல்வதற்காக, பைக்கில் சென்றனர். அப்போது, செங்குன்றம் அடுத்த சிவந்தி ஆதித்தன் நகர் திருவள்ளூர் நெடுஞ்சாலை அருகே செங்குன்றம் நோக்கிச் சென்ற லாரியை முந்தி செல்ல முயன்றனர். அப்போது மாடுகள் குறுக்கே வந்ததால் நிலை தடுமாறி கீழே விழுந்தனர். அப்போது, பின்னால் வந்த லாரியின் பின் சக்கரத்தில் சிக்கி சம்பவ இடத்திலேயே இருவரும் பலியாகினர். இதை பார்த்த லாரி டிரைவர் அங்கிருந்து தப்பியோடினார். தகவலறிந்த, சோழவரம் போலீசார் சம்பவ இடத்திற்கு விரைந்து சென்று 2 சடலங்களையும் மீட்டு பிரேத பரிசோதனைக்காக சென்னை அரசு ஸ்டான்லி மருத்துவமனைக்கு அனுப்பி வைத்தனர். மேலும், இது தொடர்பாக, வழக்கு பதிந்து, தப்பி ஓடிய லாரி டிரைவரை தேடி வருகின்றனர்….