சம்மர் டயட்

நன்றி குங்குமம் டாக்டர் சூரியன் மறைந்த பிறகு இரவிலும் வெப்பநிலை குறையாமல் இருக்கும் பருவம் இது. எனவே, கோடையில் நாம் உண்ணும் உணவு பல்வேறு காரணிகளை மனதில் வைத்து கவனமாக சிந்தித்து உண்ண வேண்டும். கோடை காலம் அதன் கடுமையான வெப்பத்தால் மனித உடலுக்கு ஆபத்து உண்டாக்குகிறது. கொளுத்தும் வெப்பம் மற்றும் வறண்ட அனல் காற்று ஆகியவை அதிக வெப்பநிலையை சமாளிக்க உங்கள் உணவில் மாற்றங்களைச் செய்ய வேண்டும்.  கோடையில் நீங்கள் உட்கொள்ளும் உணவு மற்றும் பானங்கள் உங்களுக்கு முக்கிய பங்கு வகிக்கும். ஏனெனில் ஆரோக்கியமான மக்கள் கூட வெப்பம் தொடர்பான உடல்நலப் பிரச்னைகளுக்கு ஆளாகலாம். அதிக மசாலா, சூடான, வறுத்த மற்றும் ஹெவியான உணவை உண்ணும்போது ஒருவர் கவனமாக இருக்க வேண்டும். இது வயிற்றுப்போக்கு, செரிமானம் பிரச்னைகள் மற்றும் பல பல்வேறு உடல் நலக்கவலைகளுக்கு வழிவகுக்கும். பருவகால நோய்களில் இருந்து பாதுகாக்க பருவகால கோடைகால உணவு மாற்றம் மிகவும் அவசியம். போதுமான அளவு தண்ணீர் குடிப்பது முக்கியம் என்றாலும், கோடையில் குளிர்ச்சியாகவும், ஆரோக்கியமாகவும் இருக்க சரியான உணவுகளையும் சாப்பிட வேண்டும்.கோடையில் உணவின் முக்கியத்துவம் கோடையில் நீர்ச்சத்து குறைபாடு, அஜீரணம், உணவு செரிமானம் மற்றும் வைட்டமின் மற்றும் தாதுப் பற்றாக்குறை ஏற்படும் அபாயம் அதிகரிக்கிறது. எனவே உடலை குளிர்ச்சியாக வைத்திருக்கும் உணவுகளை சாப்பிடுங்க, பருவகால பழங்கள் மற்றும் காய்கறிகளை சாப்பிடுவது சூரிய ஒளியில் இருந்து பாதுகாக்கிறது, ஏனெனில் அவை அதிக அளவு நீர் மற்றும் ஊட்டச்சத்துக்களைக் கொண்டுள்ளன.பீட்ஸாக்கள், பர்கர்கள் போன்ற உணவுகள் தவிர்ப்பது நல்லது. பெரிய பகுதிகளுக்குப் பதிலாக சிறிய அளவிலான உணவை அடிக்கடி சாப்பிட நீங்கள் திட்டமிட வேண்டும். நீரிழப்பைத் தடுக்க உங்கள் நீர்ச்சத்து உணவுகளை உட்கொள்ளலை அதிகரிக்க வேண்டும். தாகம் எடுக்காத போதும் அடிக்கடி தண்ணீர் குடிப்பது நல்லது. கஃபைன், கார்பனேட்டட் அல்லது அதிக சர்க்கரை அளவு உள்ள மது மற்றும் பானங்களை தவிர்க்கவும்.சாப்பிட வேண்டிய உணவுகள்இளநீர், மென்மையான தேங்காய் சதை, தயிர், மோர், தர்பூசணிகள், முலாம்பழம், பீச், பெர்ரி, எலுமிச்சை பழம், ஆரஞ்சு, மாங்காய், தக்காளி, கேரட், வெண்டைக்காய், வெள்ளரிக்காய், ஸ்குவாஷ், சோளம், சுரைக்காய், ஐஸ் ஆப்பிள், சப்ஜா விதைகள், புதினா, கீரைகள், பீட் ரூட், செலரி.தவிர்க்க வேண்டிய உணவுகள்வறுத்த உணவுகள், பீட்சா, பர்கர், ஜங்க் புட்ஸ், சாஸஸ், அதிகப்படியான உப்பு, ஊறுகாய், அதிகப்படியான தேநீர், அதிகப்படியான காபி, கார்பனேற்றட்டட் பானங்கள், மது, சிவப்பு இறைச்சி, காரமான உணவுகள்.                        சன் ஸ்ட்ரோக்கை தவிர்க்க…சன் ஸ்ட்ரோக் என அழைக்கப்படும் வெப்பத் தாக்குதல் வழக்கமாக காலை 10.00 மணி முதல் பிற்பகல் 3.00 மணிக்கு இடைப்பட்ட நேரத்தில் நடக்கிறது.  ஆகவே, முடிந்தவரை இந்த நேரங்களின்போது வெளியே பயணம் செய்வதை தவிர்க்கலாம். நீங்கள் வெளியே இருக்கும்போது தலைசுற்றல் உணர்வு இருக்குமானால், நிழல் உள்ள இடத்தைக் கண்டறிந்து 30 அல்லது அதற்கு அதிகமான நிமிடங்கள் வரை அங்கு காத்திருக்கவும்.  அப்போதும் அதே உணர்வு உங்களுக்கு இருக்குமானால், தண்ணீர் அருந்தவும்; அதன்பிறகே உங்களது பயணத்தை நீங்கள் தொடர வேண்டும். சூரிய ஒளி மற்றும் வெப்பத்தின் பாதிப்பு பற்றி கூறினாலும் கூட, ஆரோக்கியமான உடல் மற்றும் மனதிற்கு சூரியக்கதிர்கள் நமக்கு அவசியமாகவும் இருக்கின்றன.  ஆகவே, சூரிய வெளிச்சத்தின் கீழ் ஒரு திறந்தவெளி சூழலில் விளையாட அல்லது நடைப்பயிற்சி மேற்கொள்வதை ஒரு வழக்கமாக ஆக்கிக்கொள்ளுங்கள்.  ஆனால், கோடைக்காலத்தின்போது பிற்பகல் 3 மணி அல்லது 4 மணிக்கு பிறகு மட்டுமே இதை செய்ய வேண்டும்….