சென்னை: குடிநீர், கழிவுநீர் கட்டணம் செலுத்த இன்று கடைசி நாள் என்பதால், உடனடியாக செலுத்த பொதுமக்களுக்கு குடிநீர் வாரியம் வேண்டுகோள் விடுத்துள்ளது.இதுகுறித்து சென்னை குடிநீர் வாரியம் நேற்று வெளியிட்டுள்ள அறிக்கையில் கூறியிருப்பதாவது: சென்னை குடிநீர் வாரியத்திற்கு செலுத்த வேண்டிய குடிநீர் மற்றும் கழிவுநீர் வரியினையும், குடிநீர் கட்டணங்களையும் கடைசி நாளான இன்று செலுத்தவேண்டும். வரி செலுத்துவதற்கு ஏதுவாக அனைத்து பணிமனை வசூல் மையங்கள் இன்று இரவு 8 மணி வரை இயங்கும்.எனவே பொதுமக்கள் தாங்கள் செலுத்த வேண்டிய அனைத்து வரிகள், வரிக் கட்டணங்களை உடனடியாக செலுத்தி சென்னை குடிநீர் வாரியத்தின் வளர்ச்சிப் பணிகளுக்கு ஒத்துழைக்க கேட்டுக் கொள்கிறோம். இவ்வாறு அதில் கூறப்பட்டுள்ளது….