திருப்போரூர்: பெட்ரோல், டீசல், காஸ் விலையை உயர்த்திய ஒன்றிய அரசை கண்டித்து, திருப்போரூர் நகர காங்கிரஸ் கமிட்டி சார்பில் ஆர்ப்பாட்டம் நேற்று நடந்தது. திருப்போரூர் பஸ் நிலையத்தில் இருந்து தனியார் பெட்ரோல் பங்க் வரை ஓஎம்ஆர் சாலையில், ஊர்வலமாக சென்று காஸ் சிலிண்டருக்கு மாலை அணிவித்து மத்திய அரசுக்கு எதிராக கோஷமிட்டனர். இதில், திருப்போரூர் நகர காங்கிரஸ் தலைவர் தியாகராஜன் தலைமை தாங்கினார். செங்கை வடக்கு மாவட்ட மகிளா காங்கிரஸ் தலைவர் பவானி, திருப்போரூர் தெற்கு வட்டார தலைவர் படூர் மெய்யப்பன் உள்பட பலர் கலந்து கொண்டனர். திருக்கழுக்குன்றம்: திருக்கழுக்குன்றம் நகர காங்கிரஸ் சார்பில், திருக்கழுக்குன்றம் பஸ் நிலையம் அருகில் ஆர்ப்பாட்டம் நடந்தது. திருக்கழுக்குன்றம் நகர காங்கிரஸ் தலைவர் மணிகண்டன் தலைமை தாங்கினார். நிர்வாகிகள் தயாளன், கமலஹாசன், கிருஷ்ணசாமி, தங்கராஜ் ஆகியோர் முன்னிலை வகித்தனர். ஆர்ப்பாட்டத்தில் பைக் மற்றும் காஸ் சிலிண்டர் ஆகியவற்றுக்கு மாலை அணிவித்து, ஒன்றிய அரசுக்கு எதிராக கண்டன கோஷமிட்டனர்….