சென்னை: கலைஞர் கருணாநிதி அறக்கட்டளைக்காக, தலைவர் கலைஞர் தனது சொந்த பொறுப்பில் அளித்த ஐந்து கோடி ரூபாயினை வங்கியில் வைப்பு நிதியாக போடப்பட்டு, அதில் கிடைக்கப்பெறும் வட்டித் தொகையினைக் கொண்டு, மாதந்தோறும் ஏழை எளிய நலிந்தோர்க்கு உதவித் தொகையாக 2005 நவம்பர் மாதம் முதல் 2007 ஜனவரி மாதம் வரை வழங்கப்பட்டு வருகிறது. தற்போது பிப்ரவரி மாதத்திற்கு வட்டியாக கிடைத்த தொகையில் மருத்துவம் மற்றும் கல்வி உதவி நிதியாக மொத்தம் 8 பேருக்கு தலா ரூ.25 ஆயிரம் வீதம் மொத்தம் 2 லட்சம் ரூபாயை நேற்று திமுக தலைவர் மு.க.ஸ்டாலின் வழங்கினார். அதன்படி ஈரோடு மாவட்டத்தைச் சேர்ந்த இந்திராணி, கமலா, நீலகிரி மாவட்டத்தைச் சேர்ந்த விஷ்ணுகுமார், மதுரை மாவட்டத்தைச் சேர்ந்த இந்துராணி, மகாலிங்கம், திண்டுக்கல் மாவட்டத்தைச் சேர்ந்த முகமது ஆரிப்சேட், தேனி மாவட்டத்தைச் சேர்ந்த பொன்ராஜ், ராமநாதபுரம் மாவட்டத்தைச் சேர்ந்த சேக்முகம்மது ஆகியோருக்கு தலா ரூ.25 ஆயிரம் வீதம் 2 லட்சம் ரூபாயை திமுக தலைவர் மு.க.ஸ்டாலின் நேற்று வழங்கினார்….