காரைக்கால்,பிப்.10: காரைக்கால் மாவட்ட கலெக்டராக பணி செய்த குலோத்துங்கன் இரு தினங்களுக்கு முன்பு புதுச்சேரிக்கு பணியிட மாற்றம் செய்யப்பட்டார். கலெக்டர் மாற்றம் செய்ததை கண்டித்து அந்த உத்தரவை ரத்து செய்து காரைக்காலுக்கு மீண்டும் பணியிட மாற்றம் செய்ய வேண்டும் என்பதை வலியுறுத்தி காரைக்கால் மக்கள் போராட்டக்குழு சார்பில் புதுச்சேரி முதல்வர் ரங்கசாமிக்கு அஞ்சல் அட்டை அனுப்பும் போராட்டம் நேற்று காரைக்கால் தலைமை தபால் நிலையம் முன்பு நடைபெற்றது. ஆர்ப்பாட்டத்தில் காரைக்கால் மக்கள் போராட்டக்குழு இனை ஒருங்கிணைப்பாளர் பொன். பன்னீர்செல்வம், ஒருங்கிணைப்பாளர் சூர்யா மற்றும் நிர்வாகிகள் பலர் கலந்து கொண்டனர்.