திருப்பூர், டிச.20: தமிழ்நாடு மாநில ஊரக வாழ்வாதார இயக்கம் (மகளிர் திட்டம்) சார்பில் நெகிழிக்கு மாற்றான பொருட்கள் உற்பத்தி செய்யும் மகளிர் சுய உதவிக்குழுக்கள் உற்பத்தி பொருட்கள் கண்காட்சி மற்றும் விற்பனை திருப்பூர் கலெக்டர் அலுவலக வளாகத்தில் நேற்று நடந்தது. மாவட்ட ஊரக வளாச்சி முகமையின் திட்ட இயக்குனர் லட்சுமண், ஊராட்சிகள் உதவி இயக்குனர் மதுமிதா, திட்ட இயக்குனர் (மகளிர் திட்டம்) வரலட்சுமி மற்றும் மேலாளர் நித்யா மற்றும் பலர் கலந்துகொண்டனர்.
இதில் பாக்கு மட்டை தட்டு, சணல் பைகள், காட்டன் பைகள், ஆர்கானிக் பொருட்கள், கால் மிதியடிகள், பேப்பர் தட்டுகள், அகர்பத்திகள், சாம்புராணி, பட்டு சேலைகள் மற்றும் பல கண்காட்சியில் வைக்கப்பட்டிருந்தன. இதன் விற்பனையும் நடந்தது. மாவட்டம் முழுவதும் உள்ள ஒன்றியங்களில் இருந்து பெண்கள் கலந்து கொண்டனர்.