சருமத்தின் பல பிரச்னைகளுக்கும் சிறந்த தீர்வு இந்த ஐஸ் கட்டிகள். வெறும் ஐஸ் கட்டிகளை முகத்தில் தேய்த்து வந்தாலே சருமத் துவாரங்கள் சுருங்கி, வளவளப்பாக மாறும். சரி இதோ சில சிலிர் ஐஸ் கட்டி டிப்ஸ்கள். * எலுமிச்சைச் சாறு+வைட்டமின் ஈ மாத்திரைகளை கலந்து ஐஸ் டிரேயில் பிழிந்து கட்டிகளாக மாற்றி குளிக்கும் முன் தடவி வர முகம் பிரகாசிக்கும். * மேலும் மறுக்கள், வடுக்களும் கூட நாளடைவில் மறைந்துவிடும். அரிசி கழுவிய நீர் மற்றும் அதனுடன் கலக்கப்பட்ட பயத்தம் மாவு கலவையாக ஐஸ் டிரேயில் ஊற்றிவைத்து முகத்தில் தேய்க்க சரும துவாரங்கள் சுத்தமாக்கப்பட்டு பிராகாசிக்கும். * சருமத்தின் நிறமும் சற்று பளிச்சென மாறும். வெள்ளரி + எலுமிச்சை இரண்டையும் மிக்ஸியில் அரைத்து அந்தக் கலவையை ஒரு ஐஸ் டிரேயில் ஊற்றி, கிடைக்கும் கட்டிகளை இரவு தூங்கும் முன் தடவி விட்டு அப்படியே இரவு முழுவதும் வைத்திருந்து காலையில் குளிர்ந்த நீரில் கழுவ சருமத்தின் கருமைகள் மறையும். * வெள்ளரியில் இருக்கும் நீர்ச்சத்து காரணமாக கருவளையங்களும் சரியாகும்1 லிட்டர் தண்ணீரில் 2 ஸ்பூன் வெட்டிவேர் பவுடரை கலந்து ஐஸ் ட்ரேயில் நிரப்பி ஃப்ரீசரில் வைக்கவும். பின் மெல்லிய துணியில் வெட்டிவேர் ஐஸ் க்யூபை கட்டி பருவில் ஒத்தடம் தர முகப்பரு குறைந்து முகம் பொலிவு பெறும்.* கிரீன் டீ அல்லது பிளாக் காபி இவற்றை ஐஸ் டிரேயில் ஊற்றி கிடைக்கும் ஐஸ்கட்டிகளை முகத்தில் தேய்க்க முக வீக்கத்தை குறைப்பதோடு குறிப்பாக கண்களைச் சுற்றியுள்ள பை போன்ற வீக்கத்தையும் குறைக்க உதவும். குறிப்பு: ஐஸ் கட்டிகளை நேரடியாகத்தேய்ப்பதால் சைனஸ், ஜலதோஷம் பிரச்னைகள் உண்டாகலாம் என நினைப்போர், ஒரு மெல்லிய காட்டன் துணியில் ஐஸ் கட்டிகளை சுற்றி வைத்து பயன்படுத்தலாம். …