டெல்லி: டாலருக்கு நிகரான இந்திய ரூபாய் மதிப்பு ஒரே நாளில் ரூ.1.09 காசுகள் சரிவை கண்டுள்ளது. உக்ரைன் மீது ரஷ்யா போர் தொடுத்துள்ள நிலையில், டாலருக்கு நிகரான இந்திய ரூபாயின் மதிப்பு கடுமையாக சரிவை கண்டுள்ளது. இந்நிலையில், அமெரிக்க டாலருக்கு நிகரான இந்திய ரூபாயின் மதிப்பு 109 காசுகள் சரிந்து ரூ.75.70 ஆக குறைந்தது. மும்பை பங்குசந்தை குறியீட்டு எண் சென்செஸ் 2,702 புள்ளிகள் குறைந்து 54,530 புள்ளிகளாக வீழ்ச்சி அடைந்துள்ளது. தேசிய பங்குசந்தை குறியீட்டு எண் நிஃப்டி 815 புள்ளிகள் குறைந்து 16,248 புள்ளிகளாக வீழ்ச்சி அடைந்துள்ளது. மேலும், உக்ரைன் மீது ரஷ்யா போர் நடத்தி வருவதால் உலகம் முழுவதும் பங்குசந்தைகளில் சரிவு ஏற்பட்டுள்ளது என்பது குறிப்பிடத்தக்கது….