ஜெயங்கொண்டம், பிப்.23: அரியலூர் மாவட்ட எஸ்.பி செல்வராஜ் உத்தரவின் பேரில் ஜெயங்கொண்டம் போலீஸ் துணை சூப்பிரண்டு ராமச்சந்திரன் ஆலோசனையின் பெயரில் போலீஸ் இன்ஸ்பெக்டர் ராமராஜன் தலைமையிலான போலீசார் ஜெயங்கொண்டம் பகுதியில் ரோந்து பணியில் ஈடுபட்டிருந்தனர்.
அப்போது அவ்வழியாக அதிவேகமாக வந்த 4 மோட்டார் சைக்கிள்களை பிடித்து பறிமுதல் செய்து காவல் நிலையத்திற்கு கொண்டு சென்றனர். 4 மோட்டார் சைக்கிள் உரிமையாளர்களுக்கும் ரூ.11 ஆயிரம் முதல் ரூ.5000 வரை என ரூ 27 ஆயிரம் அபராதம் விதித்தனர். மேலும் அதிவேகமாக வாகனங்கள் ஓட்டினால் அடிக்கடி இது போன்று வாகனங்கள் பறிமுதல் செய்வதுடன் அபராதங்கள் விதிக்கப்படும் என எச்சரித்து அனுப்பி வைத்தனர்.