திருவேங்கடம், செப். 27: தமிழக அரசு சார்பில் மாவட்ட அளவிலான முதல்வர் கோப்பைக்கான வாலிபால் விளையாட்டு போட்டி தென்காசி மாவட்டம் மடத்தூரில் உள்ள இந்து நாடார் நடுநிலைப்பள்ளியில் வைத்து நடைபெற்றது. இதில் மாணவர்கள் பிரிவில் 58 பள்ளிகளைச் சேர்ந்தவர்கள் கலந்துகொண்டனர். இதில் திருவேங்கடம் கலைவாணி மெட்ரிக் பள்ளி மாணவர்கள் 3ம் இடம் பெற்றனர். இதேபோல் மாணவிகள் பிரிவில் 18 பள்ளிகள் கலந்து கொண்டன. இதில் கலைவாணி பள்ளி மாணவிகள் மாவட்ட அளவில் முதலிடம் பெற்று பள்ளிக்கு பெருமை சேர்த்தனர். இதைத்தொடர்ந்து சாதனை படைத்த மாணவ- மாணவிகளை பள்ளி முதல்வரும் நிர்வாகியுமான பொன்னழகன் மற்றும் பயிற்சி அளித்த உடற்கல்வி ஆசிரியர்கள், ஆசிரியர், ஆசிரியைகள் மற்றும் ஊர் மக்கள் பாராட்டினர்.
@2024-2025 – Designed and Developed by Sortd.Mobi