பள்ளப்பட்டி நகராட்சி பகுதிகளில் சொத்துவரி செலுத்தாதவர்களின் குடிநீர் இணைப்புகள் துண்டிப்பு

 

அரவக்குறிச்சி, நவ.18: பள்ளப்பட்டி நகராட்சிக்குட்பட்ட பகுதிகளில் உள்ள 27 வார்டுகளில் சொத்துவரி மற்றும் குடிநீர் கட்டணம் செலுத்தாதவர்களின் குடிநீர் இணைப்பு துண்டிக்கப்படுவதாக அறிவிக்கப்பட்டுள்ளது. இது குறித்து பள்ளப்பட்டி நகராட்சி ஆணையர் பால்ராஜ் தெரிவித்துள்ளதாவது: பள்ளப்பட்டி நகராட்சிக்குட்பட்ட பகுதிகளில் உள்ள 27 வார்டுகளில் சொத்துவரி மற்றும் குடிநீர் கட்டணம் சென்ற (2021 – 2022, 2022-2023ம் ஆண்டுகளுக்கு) செலுத்தாதவர்களின் குடிநீர் இணைப்பை ஆணையாளர் பள்ளப்பட்டி நகராட்சி உத்தரவில் பேரில் 27 வார்டுகளிலும் துண்டிக்கப்படுகிறது.

இதன்படி முதலாவதாக வார்டு எண்.5, 18 ஆகிய வார்டுகளில் குடிநீர் கட்டணம் நிலுவை வைத்துள்ளவர்களின் 5 பேரின் குடிநீர் இணைப்பு துண்டிக்கப்பட்டது. மேலும் சொத்துவரி குடிநீர் கட்டணம் நிலுவை வைத்துள்ளவர்களின் இணைப்பு தினமும் துண்டிக்கப்படும். நகராட்சிக்குட்பட்ட பகுதிகளில் செலுத்த வேண்டிய சொத்துவரி குடிநீர் கட்டணம் காலியிட வரி வசூல் நடவடிக்கை மேலும் தீவிரப்படுத்தப்படும். இவ்வாறு ஆணையர் பால்ராஜ் தெரிவித்தார்.