தர்மபுரி, நவ.2: தர்மபுரி அருகே அதியமான்கோட்டையில் வீரகாரன் கோயில் வளாகத்தில் புதிதாக கட்டப்பட்டுள்ள நாகாத்தம்மன் கோயில் கும்பாபிஷேக விழா, கடந்த 31ம் தேதி காப்பு கட்டுதல் மற்றும் கொடியேற்றத்துடன் துவங்கியது. தொடர்ந்து வாஸ்து சாந்தி, பூமிதேவி பூஜை, கும்ப அலங்காரம், இரவு 7 மணிக்கு மூலவருக்கு யந்திரம் மருந்து சாத்துதலும் நடந்தது. விழாவின் முக்கிய நாளான நேற்று(1ம் தேதி) காலை 6 மணிக்கு இரண்டாம் கால யாகபூஜையும், காலை 10 மணிக்கு புனித கலசங்கள் புறப்பட்டு, நாகாத்தம்மனுக்கு மஹா கும்பாபிஷேகம் நடந்தது. விழாவில் ஏராளமான பக்தர்கள் கலந்து கொண்டனர். அனைவருக்கும் அன்னதானம் வழங்கப்பட்டது. ஏற்பாடுகளை விழா குழுவினர் செய்திருந்தனர்.