வீரவநல்லூர், ஜன.23: சேரன்மகாதேவி சப்-கலெக்டர் அலுவலகத்தில் இறுதி வாக்காளர் பட்டியலை சப்-கலெக்டர் அர்பித் ஜெயின் வெளியிட்டார். சேரன்மகாதேவி கோட்டத்திற்குட்பட்ட அம்பாசமுத்திரம், நாங்குநேரி மற்றும் ராதாபுரம் ஆகிய 3 சட்டமன்ற தொகுதிகளுக்கு உரிய இறுதி வாக்காளர் பட்டியலை சப்-கலெக்டர் அர்பித் ஜெயின் நேற்று வெளியிட்டார். இதையொட்டி சப்-கலெக்டர் அலுவலகத்தில் நடந்த நிகழ்ச்சியில் அனைத்து அரசியல் கட்சியினரும் கலந்துகொண்டு இறுதி வாக்காளர் பட்டியலை பெற்றுக்கொண்டனர். இதில் சப்-கலெக்டரின் நேர்முக உதவியாளர் பகவதிபெருமாள், தாசில்தார்கள் சேரன்மகாதேவி ரமேஷ், அம்பாசமுத்திரம் சுமதி உள்பட பலர் கலந்துகொண்டனர்.