சென்னை: கொரோனா தடுப்பூசி செலுத்துவதில் கடை உரிமையாளர்கள், ஊழியர்களுக்கு முன்னுரிமை அளிக்கப்படும் என்று சென்னை மாநகராட்சி ஆணையர் ககன்தீப் சிங் தெரிவித்துள்ளார். சென்னையில் செய்தியாளர்களை சந்தித்த சென்னை மாநகராட்சி ஆணையர் ககன்தீப் சிங், மக்கள் கூட்டமாக கூடுவதை தவிர்க்க கண்காணிப்பு தீவிரப்படுத்தப்படும். நாளை மறுநாள் முதல் கூடுதல் தளர்வுகள் அளிக்கப்பட்டாலும், பாதுகாப்பு விதிமுறைகளை பின்பற்றவும், ஜவுளி, நகைக் கடை ஊழியர்கள் அனைவரும் தடுப்பூசி செலுத்திக் கொள்ள வேண்டும் என தெரிவித்தார்.
ஊழியர்களுக்கு தடுப்பூசி போடுவதை அதிகரிக்கும்படி கடை உரிமையாளர்களுக்கு அறிவுறுத்தி உள்ளோம். கொரோனா தடுப்பூசி செலுத்துவதில் கடை உரிமையாளர்கள், ஊழியர்களுக்கு முன்னுரிமை அளிக்கப்படும். தேவைப்படும் பட்சத்தில் சிறப்பு முகாம்கள் நடத்தப்படும் என்றும் கடை உரிமையாளர்களுக்கு தகவல் அளிக்கப்பட்டுள்ளது. சென்னையில் முக கவசம் அணியாமல் திருமணத்தில் பங்கேற்றவர்களுக்கு ரூ.84 ஆயிரம் அபராதம் விதிக்கப்பட்டதாக தெரிவித்தார். அரசு அறிவுறுத்தியுள்ள விதிமுறைகளை கண்டிப்பாக பின்பற்ற வேண்டும் என்று வலியுறுத்தியுள்ளார். உடல்வெப்ப பரிசோதனை, சானிடைசர் அனைத்து இடங்களிலும் பின்பற்ற வேண்டும். மதியம் உணவு இடைவேளை நேரத்தில் கூட ஊழியர்கள் ஒன்றாக கூடுவதை தவிர்க்க வேண்டும் என்றும் சென்னை மாநகராட்சி ஆணையர் அறிவுறுத்தியுள்ளார். நாளை மறுநாள் முதல் கூடுதல் தளர்வுகள் அளிக்கப்பட்டாலும் பாதுகாப்பு விதிமுறைகளை பின்பற்ற வேண்டும் என்று தெரிவிக்கப்பட்டுள்ளது….