சின்னமனூர்: சின்னமனூர் அருகே, குச்சனூர் பேரூராட்சியில் 12 வார்டுகள் உள்ளன. இங்கு 11 ஆயிரத்துக்கும் மேற்பட்டோர் வசித்து வருகின்றனர். இவர்களுக்கு முல்லைப்பெரியாறு ஆற்றுப்படுகையில் உறைகிணறு அமைத்து குடிநீரை சுத்திகரிப்பு செய்து இரண்டு நாட்களுக்கு ஒரு முறை விநியோகம் செய்யப்பட்டு வருகிறது. மேலும், ஏற்கனவே இருக்கும் மேல்நிலைத் தொட்டி அருகே, கூடுதலாக ஒரு மேல்நிலை தொட்டி அமைக்கப்பட்டுள்ளது. இரண்டு தொட்டிகளிலும் நீரை மேலேற்றி, பின்னர் சுத்திகரித்து ராஜபாளையம் குச்சனூர் பகுதியில் உள்ள பல வார்டுகளுக்கு விநியோகம் செய்யப்படுகிறது. இந்நிலையில், கடந்த இரண்டு நாட்களாக இணைப்புச்சாலையில் நூலகம் அருகில் குடிநீர் குழாயில் உடைப்பு ஏற்பட்டு குடிநீர் வீணாக சாக்கடையில் கலந்து வருகிறது. குழாய் மட்டுமல்லாமல் கேட்வால்வும் உடைந்துள்ளது. எனவே, சம்மந்தப்பட்ட அதிகாரிகள் குழாய் மற்றும் கேட்வால்வ் உடைப்பை சீரமைத்து, குடிநீர் வீணாவதை தடுக்க வேண்டும் என கோரிக்கை விடுத்துள்ளனர்….