வருசநாடு: வருசநாடு அருகே, கனமழையால் சாலை குண்டும், குழியுமாக சேதமடைந்ததால், போக்குவரத்துக்கு விவசாயிகள் அவதிப்படுகின்றனர். மேகமலை நீர்பிடிப்பு பகுதிகளில் தொடர்ந்து கனமழை பெய்து வருகிறது. இதனால், வருசநாடு அருகே உள்ள தும்மக்குண்டு ஊராட்சிக்குட்பட்ட காந்திகிராமம், முத்துநகர், மலைக்கிராம சாலை சேதமடைந்து குண்டும், குழியுமாக உள்ளது. இதனால், பொதுமக்கள், விவசாயிகள் போக்குவரத்துக்கு அவதிப்படுகின்றனர். மேலும், விவசாயிகள் பீன்ஸ், அவரை, எலுமிச்ச்சை உள்ளிட்ட விளை பொருட்களை கொண்டு செல்ல அவதிப்படுவதாகதெரிவிக்கின்றனர். இது குறித்து முத்துநகர் பொதுமக்கள் கூறுகையில், ‘கனமழை பெய்தால் இப்பகுதி சாலைகள் குண்டும், குழியுமாக சேதமடைகின்றன. சாலைகளை சீரமைக்க மாவட்ட நிர்வாகம் நடவடிக்கை எடுக்க வேண்டும்’ என்றனர்….