மேட்டூர்: காவிரி நீர்ப்பிடிப்பு பகுதிகளில் பெய்யும் மழையை பொறுத்து ஒகேனக்கல், மேட்டூர் அணைக்கான நீர்வரத்து அதிகரிப்பதும் குறைவதுமாக உள்ளது. தர்மபுரி மாவட்டம் ஒகேனக்கல் காவிரியில் நேற்று 6,000 கனஅடியாக இருந்த நீர்வரத்து இன்று காலை நிலவரப்படி வினாடிக்கு 7,000கனஅடியாக அதிகரித்துள்ளது. கடந்த 20ம் தேதி முதல், பரிசல் ஓட்டிகள் தொடர் வேலை நிறுத்த போராட்டத்தில் ஈடுபட்டு வருவதால் பரிசல்கள் இயக்கப்படவில்லை. இதனால், சுற்றுலா பயணிகள் ஏமாற்றம் அடைந்துள்ளனர். இதேபோல், மேட்டூர் அணைக்கு நேற்று 5507 கனஅடியாக இருந்த நீர்வரத்து இன்று காலை நிலவரப்படி வினாடிக்கு 5197கனஅடியாக சரிந்துள்ளது. அணையில் இருந்து காவிரி டெல்டா பாசனத்திற்கு விநாடிக்கு 12,000 கனஅடி வீதம் தண்ணீர் திறக்கப்பட்டு வருகிறது. வரத்தை காட்டிலும், பாசனத்திற்காக திறக்கப்படும் நீரின் அளவு அதிகமாக இருப்பதால், நீர்மட்டம் தொடர்ந்து சரிந்து வருகிறது. நேற்று 108.60 அடியாக இருந்த நீர்வரத்து இன்று காலை 108.16அடியாக சரிந்தது. நீர்இருப்பு 75.82 டி.எம்.சியாக உள்ளது….