சென்னை: சமீபத்தில் நடந்த திரைப்பட விழாவில் பங்கேற்ற நடிகை சமந்தா, விலையுயர்ந்த பச்சை நிற கவுன் அணிந்திருந்தார். அப்போது எடுக்கப்பட்ட அவரது கவர்ச்சியான போட்டோ மற்றும் வீடியோக்கள் இணையதளங்களில் வைரலானது. இதையடுத்து பல்வேறு தரப்பினர் சமந்தாவை கடுமையாக விமர்சித்து பல்வேறு கமெண்டுகளை பதிவிட்டனர். இதுகுறித்து அறிந்த சமந்தா ஆவேசத்துடன் கூறியதாவது: பெண்கள் அணிகின்ற ஆடையை வைத்து அவர்களை மட்டமாக எடை போடுவதை முதலில் அனைவரும் நிறுத்த வேண்டும். பெண்களின் உடை, அவர்களின் இனம், கல்வி, சமூக அந்தஸ்து, தோற்றம், தோலின் நிறம் என்று ஒரு பெரிய பட்டியலே நீண்டு கொண்டிருக்கிறது. நாம் 2022ல் இருக்கிறோம். இன்னமும் பெண்களை அவர்கள் அணியும் ஆடையை வைத்து ஒப்பிடு வதையும், மதிப்பிடுவதையும் உடனே நிறுத்துங்கள். அவர்களை விமர்சிப்பதை விட்டுவிட்டு, நம்மை மேம்படுத்தும் விஷயத்தில் அதிக கவனம் செலுத்தினால் நன்றாக இருக்கும். நம் லட்சியத்தை வேறொருவர் மீது வைப்பது யாருக்கும் எந்த நன்மையையும் செய்யாது. ஒரு நபரை நாம் அளவிடும் மற்றும் புரிந்துகொள்ளும் விதத்தை மீண்டும் மாற்றி எழுதுவோம்….