சொந்த மண்ணில் கடைசி டெஸ்ட்?

கருத்துகள்

மாஸ்டர் பேட்ஸ்மேன் சச்சின் டெண்டுல்கர் (39) இதுவரை 197 டெஸ்ட் போட்டிகளில் விளையாடி 15,804 ரன் (அதிகம் 248*, சராசரி 54.12, சதம் 51, அரை சதம் 67) குவித்துள்ளார். இந்திய அணிக்காக ஒரே ஒரு டி20 போட்டியில் மட்டுமே விளையாடி விலகிக் கொண்ட அவர் 463 ஒருநாள் போட்டிகளில் 18,426 ரன் குவித்து (அதிகம் 200*, சராசரி 44.83, சதம் 49, அரை சதம் 96) யாரும் நெருங்க முடியாத சாதனையுடன் சமீபத்தில் ஓய்வு பெற்றார்.

தற்போது டெஸ்ட் போட்டிகளில் மட்டுமே விளையாடி வரும் அவர், இந்த ஆண்டு இறுதியில் தென் ஆப்ரிக்காவுடன் நடக்கவுள்ள தொடருடன் சர்வதேச போட்டிகளில் இருந்து ஓய்வு பெறுவார் என எதிர்பார்க்கப்படுகிறது. இந்த நிலையில், சொந்த மண்ணில் அவர் விளையாடும் கடைசி டெஸ்ட் போட்டியாக ஆஸ்திரேலியாவுடன் டெல்லியில் இன்று தொடங்கும் போட்டி அமையும்.